Олон судалгаа, шинжилгээ явагдаж байгаа хэдий ч мэргэжлийн бус судалгаа олширч, бизнес болон улстєрийн PR-д судалгааны дvнг ашиглах байдал ажиглагдаж байгаа тул vvнээс зайлсхийхийг уриалж “Хэвлэлийн хvрээлэн”-гийн санаачилгаар “Залуу судлаачдын клуб” байгуулагдснаа албан ёсоор зарлалаа. Тус клуб эрдмийн зєвлєл, ёс зvйн хяналтын хороо гэсэн хоёр хэлтэстэй бєгєєд эрдмийн зэрэгтэй мэргэжлийн судлаач, оюутан, залуусаас бvрдсэн 100 гаруй гишvvд, дэмжигчидтэй юм байна. Судлаач нь мэргэжилдээ vнэнч, хариуцлагатай, нийгмийн тогтвортой байдлыг тодорхойлогч болохоор дээд зэргийн ёс зvйг баримтлан ажиллах шаардлагатай. Тиймээс залуу судлаачдын гол зорилго нь “Судлаачийн ёс зvйн зарчим”-ын тунхагийг хэрэгжvvлэхэд чиглэжээ.
Клуб нь гишvvдээ чадавхижуулах, сургалт семинарууд зохиох, ёс зvйн хєтєлбєрийг боловсронгуй болгох, сурталчлах, туршлага судлах, судалгаа хийх зэргээр vйл ажиллагаа явуулж, цаашид судалгааны арга зvйн чиглэлийн ном товхимол гаргах юм байна. Єчигдєр клубын анхны єргєтгєсєн хурал болж гишvvд, дэмжигч байгууллагууд, мэргэжилтнvvд оролцон долоон зvйлтэй судлаачийн ёс зvйн зарчмыг тунхаглав. Мєн судалгааны албаны ахлах судлаач Д.Ганхуяг “Судлаачийн ёс зvй ба ур чадвар” хэмээх илтгэл тавилаа.
М.ХАНГАЛ
дугаар 046
Мэдээллийн эх сурвалж:
No comments:
Post a Comment